Melandru

Melandros
Clasificación científica
Reinu: Animalia Filu: Chordata Clas: Mammalia Orde: Carnivora Familia: Mustelidae Subfamilies: Melinae Mellivorinae Taxidiinae
Xéneros  Mydeus  Arctonyx  Melogale  Meles  Mellivora  Taxidea

El melandru o melón (nome científicu Meles meles) ye un mamíferu carniceru de pelo llargo que pertenez a la familia de los Mustélidos. La pallabra melandru tamién s'emplega delles a vegaes pa referise a una persona xostrona.

[editar] Morfoloxía

El Melandru común europeu mide unos 80 centimetros de llonxitú y 35 d'altor. Tien cuerpu y tiesta anchos y aplanaos,güeyos pequeños, focicu puntiagudu, deos provistos de garres que-y permiten escarvar con gran rapidez, tien una pelleya espesa de tres collores blancu, prieto y gris, una raya blanca que-y recuerre dende'l focicu fasta la tiesta y zona del pescuezu, tien un pelo mui apreciau pa facer broches, pinceles y otres ferramientes.

Mustélidos:

• Subfamilia Melinae
  • Mydaus javanensis
  • Mydaus marchei
  • Arctonyx collaris
  • Melogale personata - Myanmar
  • Melogale orientalis
  • Melogale moschata - China
  • Melogale everetti
  • Meles meles

[editar] Costumes

Habita nes madrigueres y tien costumes nocherniegues, amás ye monógamu. Cada camada ñaz al entamu del branu ente dos y cinco cries. La so dieta ta basada en pequeños mamiferos, páxaros, frutos qu' alcuentra nes viesques, inseutos, llimiagos y miel.

[editar] Orixe

El Melandru ye un animal que habita nueso planeta dende antañu, estimase polos paleontólogos, que yá tien les carauterístiques actuales de fai 4 millones d'años considerándose que so dentadura foi lo que más evolucionó. Anque son conocios pola so ferocidá cuando enfrentense a pelligros, los melandros son mui sociables y tan avezaos vivir en grupos d'ente 2 a 12 miembros, con un minimu de cuatru adultos, ainda llegaronse alcontrar grupos de más de 20 miembros, que habiten nes cueves soterránees escavaes por ellos mesmos, llamaes tamien melandreres. Fueron mui perseguíos n'Europa nos años 1960 y 1970 pa controlar la rabia, anque anguaño tán nun procesu de lentu recobramientu dempués de la escesiva persecución a la que tuvieron sometíos.

[editar] Allugamientu

Alcuentrase repartiu per toa Europa, Asia menor y parte d'Asia.

[editar] Enllaces Esternos

El Melandru (Meles meles) En Castellán.