Osu Pardu

De Uiquipedia

Osu Pardu
Reinu: Animalia Filu: Cordata Clas: Mamíferu Orde: Carnivora Familia: Ursidae Xéneru: Ursus Especie: arctos
Nome científicu
Ursus arctos Linnaeus, 1758

L'osu pardu (Ursus arctos) ye una especie d'osu que pue algamar un pesu de 130-700 kg. L'Osu Grizzly, el Kodiak y el Osu pardu mexicanu son subespecies del osu pardu de Norteamérica. Muy áxiles, pueden algamar los 56 km/h. N'otres dómines, yera nativu d'Asia, África, Europa y Norteamérica, pero anguaño tan estinguíos en muches zones y en peligru en munches otres. Prefier les zones montañoses. Hai unos 200.000 individuos nel mundu. La mayor parte en Rusia (120.000), Estaos Xuníos (32.500) y Canadá con 21.750. Tien pequeñes poblaciones n'Europa dende España a Rusia. Hai 14.000 en 10 zones separtaes nel continente. Ye un animal nocherniegu, y en branu algama los 180 kgs, hibernando nos meses más fríos. Son vexetarianos en un 75% de la dieta, aunque tamién comen la miel de los caxellos asina como carroña. Cacen pequeños vertebraos y insectos y, nel momentu del remonte de los ríos por parte de los salmones, avecen a pescalos dende les orielles. Les femes paren esbardos que pesen unos 500 gramos nel momentu de nacer. Les subespecies son les que siguen darréu:

• Ursus arctos arctos -- Osu Pardu
• Ursus arctos horribilis -- Grizzly
• Ursus arctos middendorffi -- Kodiak
• Ursus arctos nelsoni -- Grizzly mexicanu, extintu.
• Ursus arctos californicus -- Golden Bear, extinctu en 1922, anque apaez na bandera de California.
• Ursus arctos stickeenensis

Na Cordillera cantábrica sobreviven unos 80 individuos, una docena nos Picos d'Europa y más de 50 nel occidente d'Asturies y Llión. Nos Pirineos tan a puntu de desapaecer.

[editar] Enllaces esternos (en inglés)

• Fauna Ibérica (Castellanu)
• Fundación Oso Pardo (Castellanu)
• National Geographic Creature Feature: Brown Bears (Inglés)
• GrizzlyBear.org (Inglés)
• Bears (Inglés)

Wikimedia Commons tien archivos rellacionaos con:

osu